Archive for అక్టోబర్, 2010
తొలి పొద్దు
పొద్దే ‘పొడిచెను’ చీకటి రేయిని…
నిదురించే నడి రేయిని!
హద్దే చెరిపెను భూ మర్మముకు…
హద్దే చెరిపెను భూ మర్మముకు…
అందమైన మృదు మర్మముకు!
ముద్దు పెట్టెను ప్రకృతి నుదుటిపై సింధూరంలా…
విరిసే ఎర్రని ముద్ద మందారంలా!
చంద్రున్నే మరిపించే వెలుగులతో…
కోటి వెలుగులతో…
దిద్దేను పుత్తడి వర్ణము నింగి వెలుపల!
అలలు పారగా… కోకిల పాడగా…
నవోదయమే పిలిచెను వెచ్చగా!
కలలే కడ తేరెను కనులెదురుగా…
అలలు పారగా… కోకిల పాడగా…
నవోదయమే పిలిచెను వెచ్చగా!
కలలే కడ తేరెను కనులెదురుగా…
వాయువేగంతో ఎగిరి వచ్చిన వాన మేఘంలా!
కలలు దాటి వచ్చెను ఆశల సవ్వడి…
చిటపట రాలిన చిరు చినుకులా!
ఆ ఆకాంక్ష చేసెను సందడి…
కొంటె భాషలో కొత్త బాసలా!
ఇటీవలి వ్యాఖ్యలు