Archive for జనవరి, 2009
మూడు మాటలు…
అయిపోయింది…
మళ్లీ అయిపోయింది….
జ్ఞాపకాల వలయంలో మరో ఏడు గడిచిపోయింది…
కాలమనెడి గాలులకు కదలాడని మోడులా
కెరటావేశానికి అడ్డు నిలిచిన రాతి తీరంలా
గతాన్ని, గత గుర్తులని..
చెరపలేక, మరువలేక…
గుండెను పురమాయించడానికి ప్రయత్నిస్తూ
వెలితిని పూరించటానికి వెదుకులాడుతూ
వెంటపడు జ్ఞాపకాలను తరిమి కొడుతూ
వెనుదిరిగి చూడదలచిన మనసుని వారిస్తూ
ఉప్పెనలా వస్తున్న వాక్ప్రవాహాన్ని దిగమింగుతూ
మూడు మాటలు బయటకు వచ్చాయి…
పెగలని గొంతును ధ్వనింపజేస్తూ
అలుముకున్న మౌనాన్ని ఛేదిస్తూ
“నూతన సంవత్సర శుభాకాంక్షలు”
ఇటీవలి వ్యాఖ్యలు