చెక్కిలి దాహం

నీ తలపులు నా వాకిట తలుపులు తడుతుంటే

సంతోషం ఒక పక్క

బాధ మరో పక్క

ఆనందం ఎందుకంటే …

నిన్నింతలా ప్రేమించే హృదయం…

నీ మరపురాని జ్ఞాపకాలు…

నా చెంతనున్నందుకు!

దుఃఖం ఎందుకంటే …

వీటన్నిటికీ మూలం ఐన నీవు

నన్నింతలా మార్చి

ఇంత ధైర్యం ఇచ్చిన తరువాత

నను వదిలి వెళ్ళినందుకు!

ఇచట లేనందుకు!!

అటువంటి తరుణం …

చూసుకుంటే నా ప్రతిబింబం …

రోదించనంది ఈ నయనం!!

కంట తడి రాని క్షణం

తీర్చేది ఎవరు చెక్కిలి దాహం?